Дојде време да започнеме со формалната програма за есенва. Минатата програма ја завршивме со Demo Day на 7ми јули, но за дел од стартапите кои се покажаа поамбициозни и поуспешни не заврши тогаш. Со Qorio и Showshake работевме цело лето на нивниот продукт, бизнис модел и презентација. Со ShowShake бевме на European Pirate Summit во Келн, каде можеа да се запознаат со јадрото на германската и европска старап сцена. Потоа заедно со Qorio и ShowShake бевме поканети на StartupLive Novi Sad, каде што ги измерија силите со некои од српските стартапи. Подолу дел од стимпанк амбиентот Келн:

Од почетокот на Септември се занимаваме со претставување пред инвеститори и преговори со првите клиенти на ShowShake.

И можеби затоа ја почнуваме програмата Старт малку подоцна од планираното. Но, во меѓувреме успеавме да ја развиеме содржината и учесниците, далеку пообемно од првите два пати. Повеќе детали ќе најдете на страната од SuperFounders Start. Пријавувањето е отворено до петок, а избраните стартапи ќе бидат известени во текот на викендот. Програмата е бесплатна.

Програмата Start ќе биде и темата на следниот startup meetup, среда 8 октомври од 18:00, во нашите простории на Франклин Рузвелт 39. Ќе ги претставиме имињата кои ќе бидат вклучени како ментори и предавачи во програмата, форматот, распоредот и очекуваните резултати. Ќе бидат присутни и некои од учесниците во минатите Старт програми, со кои ќе можете директно да поразговарате за нивното искуство.

Startup meetup е отворен за сите, со задолжителна регистрација на Eventbrite. Побрзајте, местата се ограничени.